Enterro da sardiña
paixón trocada por camiño
Berros con preguiza
queimadelas no capítulo derradeiro
Nacemento e aturuxos
queixumes retortos en regueifas
por mor dos cuspes e embruxos
sen cadaleito morrerán as súas tolemias
De adeuses e bágoas
non houbo novas na fraga
quizabes o diaño aínda namora
a mouros e mulleres con argalladas
Crenzas populares malia que illadas
xeran desacougados acenos nas facianas
dos que eternamente procurarán metalurxia
nas pedras arroladas polas rías.
Piero Galasso
No hay comentarios:
Publicar un comentario